Where Have All the .25 Cents Gone?
Usa na ka bulan ang nangagi sukad ang pletihan gi-rollback gikan sa Siete Pesos ngadto na sa Sais-Sengkwenta.
Daghan ang nangalipay niini pero ang nakaparat, mura raman gihapon ug way-epik kay kasagaran sa mga drayber, labi na ug dili raka maningil sa sukli, dili ka gyud masuklian sa insakto. Ang ilang rason mao nga wala kuno silay ika-sukli? Ambot kay sa ako pud nga obserbasyun, grabe pud nagkanihit ang mga sinsilyo uy, labi na ning mga biente-singko centimos.
Kung ang imong itunol dyis-pesos, imbes na suklian kag tres-singkwenta, tres raman ang ilang ihatag. Kulangan man permi ug singkwenta sentimos.
Mao na nga ako mismo, gaduda gyud ko na anaay conspiracy sa anaa sa mga industriya sa transportasyon (mga operator ug mga drayber) nga taguon ang maong mga sinsilyo arun aduna silay ikahatag nga rason nganong dili sila maka-sukli!
Mao na nga ako, kugihan na kaayo ko nga motigum ug mga sinsilyo arun nga kong ako ang mopleti, kanang insakto na. Dili raman pud gud mangisog ang mga pasahero (labi na ako) kun dili masuklian ug insakto kay lagi, nakasabut man sad ta kun unsa kapait ning trabahoa isip usa ka drayber.
Pung pa sa usa nako ka amiga nga unya ra siya mopleti inig human niya ug obserba nga kining mao nga drayber mohatag ba ug insakto nga sukli. Kay kun dili, ang iyang ihatag nga pletihan, dili pud insakto. Heheh. Brayt pud nga bata.
Nahala, kung ikaw adunay mga tinaguan or kung ikaw aduna dihay mga sinsilyo nga nagpundok lang, na, gamita na intawn na arun nga makatoyuk na na sa sirkulasyon. Arun nga ang mga drayber aduna na silay ika-sukli.
Minimum nga Pletihan dires Syudad sa Sugbo
Nagsugod na ug roll-back ang pletihan dire sa Syudad sa Sugbo niadto pang Marso 9 (Lunes) ngadto sa Php6.50 gikan sa Php8.00. Base kini sa pagkunhod sa presyo sa crudo gikan sa Php34.95 matag litro niadtong Nobyembre 27, 2008 ngadto sa Php28.00 na matag litro.
Daghan ang nangalipay niining balitaa gawas lang sa mga drayber mismo kay matud pa nila musamot kuno pagkaminus ang ilang ginansya.
Unsaun, ang pleti mokunhod pero ang mga palitonun ug uban pa, dili man mokunhod. Pero kun mosaka na gani ang crudo, ilabi na ang pletihan, mosaka gyud dayun ang mga nagkadaiyang palaliton.
Pero abi ninyu, daghan gihapon ang nagbagutbut kay kulang ra kuno ang Php1.50 nga kunhod, ang gusto nila Php2.00 gyud. Sa una, niadtong mga buwan sa tuig 2005, sa dihang tag-Php27.00 pa ang litro sa crudo, tag Php6.00 man ang minimum sa pletihan. Pero lahi raman gud ang sa una ug karon kay ang bugas niadto barato-barato paman, karon pwerti nagyud.
Para nako, kun mahimo palang unta nga i-memorize ang pagkaon, me-morizon nalang unta bisan ug sa matag panihapon nalang. Hehe, pero mura ug imposible man.
