The Bisdak Lounge

Usa kadto ka hapon sa adlawng Domingo, mentras nagalingkod ko ug nag-atubang sa monitor sa akong computer, samtang naghuna-huna ko'g unsa akong imantala ani'ng akong binisaya nga blog, gusto ko maminaw ug sounds.

Usa sa poborito ko nga buhaton mao ang pag-abli sa YouTube. Ug adto ko mangita sa bisag-unsa nako nga paminawon nga mga awit. Wala nagdugay, akong gipangita ang kanta nga nag-ulohan ug Low, low, low ni Flo Rida.

Sa dihang nagsugod nako'g type sa mga word na low, akong nabantayan nga anaay nakapatik nga "low, low, low butete" nga entry.

Aguroy! Didto napunta sa Low, low, low nga Binisaya nga version. Sus, pwerti nako'ng lingawa kay kataw-anan man kaayo pagka himo ang kanta. Nagsige ko'g ngisi nagpaminaw sa maong kanta kay kini mahitungod sa pagkahilo tungod sa pagkaon sa isdang butete.

Nahala, tan-awa nalang ninyo ug kamo nay bahala ug unsa ang inyong ika-sulti.



Sa panahon sa pagsulat nako ani, aduna nay naka-tan-aw balig 424,503. Bisan pa ug bag-ohay lang ni napost nga video, ato lang June 2, 2008. Bali'g 301 na nihimong paborito ug 1,298 na ang nag-post ug mga message.